Dukesha e Sussex, Meghan Markle feston sot 40-të vite jetë së bashku me bashkëshortin e saj, Princin Harry, djalin Archie dhe vajzën dy-muajshe Lilibet.
Ndërkohë, urimet publike për Meghan-in nuk kanë as munguar nga familja mbretërore.
Mbretëresha, Princi Charles, Duka dhe Dukesha e Kembrixhit kanë lënë pas të gjitha mëritë dhe i kanë uruar 40-vjetorin Meghan-it.
Llogaria e Familjes Mbretërore në Instagram, e menaxhuar nga stafi i Pallatit Buckingham të Mbretëreshës, ishte e para që ndau tre fotografi të Meghan së bashku me mesazhin:
“I urojmë Dukeshës së Sussex një ditëlindje shumë të lumtur sot!”
Pas pak minutash, Princi William, Kate Middleton dhe Princi Charles ia uruan ditëlindjen Dukeshës së Sussex.
Intervista e Harry-t dhe Meghan Markle-s me gazetaren Oprah Winfrey tronditi mbarë botën dhe sidomos Pallatin Mbretëror. Dyshja nxorri në dritë prapaskenat e errëta të Pallatit, që askush s’i kishte ditur më herët.
Së fundmi kjo intervistë kaq e bujshme është nominuar për një çmim ‘Emmy’. Duka dhe Dukesha e Sussex-it mund të marrin në shtëpi një trofe për rrëfimin e tyre.
Meghan dhe Harry kanë folur pa dorashka, duke vendosur në tension familjen mbretërore.
Fillimisht, ata zbuluan gjininë e bebushit numër dy. Madje, Harry dëshiron ta mbyllë këtu me fëmijët, pasi ndjehet i plotësuar.
Në hyrje të intervistës, Meghan Markle rrëfen se i dukej vetja si personazh i një tregimi, pasi hyri në mënyrë tepër naive në familjen mbretërore, pa mësuar asgjë më herët për ta.
“Isha e dashuruar. Nuk kisha hyrë as të kërkoja në google për ta. Më dukej vetja si personazh i një tregimi”.
Përralla nisi të “shkatërrohej” pas martesës, kur problemet nisën njëri pas tjetrit, por pikë së pari duhet të dimë diçka që dyshja s’na e ka treguar më parë! Kurorëzimi i vërtetë është bërë tre ditë para dasmës që e gjithë bota pa në ekran.
“U martuam vetëm, pa askënd pranë veç zyrtarit të mbretërisë që do drejtonte ceremoninë, sepse donim një moment tonin para se të shikonte gjithë bota spektakël”, ka rrëfyer Megha, e cila tregon se tashmë ata ruajnë një foto nga ajo ditë, të cilën e kanë vendosur në kokën e krevatit.
Meghan dhe Harry nuk folën në asnjë moment në mënyrë direkte për familjen mbretërore ose mbretëreshën. Ata iu referuan shkaktarit të problemeve të tyre me emrin “institucioni”, pa dhënë një emër të përveçëm.
“Kur u martova nisën problemet. Unë bëja gjithçka më thonin sepse mendoja se isha e mbrojtur, por kjo jo vetëm që nuk ishte e vërtetë, por ata ishin gati edhe të gënjenin”- pranoi Dukesha.
Madje, situata u bë aq e vështirë për të, sa në një pikë deshi edhe të vetëvritej për t’i thënë fund jetës.
“Akumulova shumë për muaj të tërë derisa arrita në pikën që nuk doja më të jetoja. I kërkova ndihmë burimeve njerëzore të ‘institucionit’ dhe përgjigja që mora prej tyre ishte që nuk më ndihmonin dot se nuk ishte pjesë xheniuine e familjes mbretërore. I thoja Harryt që nuk ndihesha e sigurt dhe kisha frikë të rrija vetëm në shtëpinë tonë”, tregoi Meghan.
Gjithashtu, Duka pranoi se i vinte turp të tregonte për gjendjen e partneres së tij, pavarësisht se donte ta ndihmonte me çdo kusht.
“Ndihesha i mbytur dhe vetëm njohja me Meghan më largoi nga aty. Ishte ajo që më gjeti rrugën e daljes nga ai ambjent”, tregon ai.
Por prisni se ka akoma! Meghan e ka akuzuar “institucionin” për racizëm kur ishte shtatzënë me Archien, pasi njëri prej antarëve i ka thënë Harryt se fëmijës nuk do i jepej asnjë titull, pasi nuk dihej sa e errët do ishte lëkura e foshnjës.
Po marrëdhënia e Meghan me Kate Middleton? Kur mediat shkruan se ajo e bëri dukeshën të qante, e vërteta ishte ndryshe.
“Ishte Kate ajo që më bëri mua të qaj. Madje edhe më kërkoi falje më pas”, ka shtuar Meghan.
Harry gjithashtu u rrëfye për marrëdhënien e tij me të atin:
“Kur dolëm nga familja mbretërore, ai nuk më përgjigjej në telefon për shumë kohë. Tani gjërat janë zbutur pak, por prap nuk janë mirë. Megjithatë ai është im atë dhe e dua shumë.”
Përsa i përket raportit me Princin william, Harry tregoi se është në pauzë, por e do shumë të vëllain.
Duka pranoi se largimi i tyre nga Pallati Mbretëror dhe heqja dorë me dëshirë nga titujt ishte që të mos përsëritej e njëjta histori si me mamanë e tij, princeshë Dianën.
A kanë mbështetje nga familja mbretërore? Sigurisht që jo! Harry jeton me ato që i la e ëma para se të vdiste dhe kontratën që ka lidhur me Netflix dhe Spotify.
Ata u treguan të rezervuar përsa i përket mbretëreshës. Meghan tha se e ka pëlqyer gjithmonë atë dhe shoqërinë e saj, ndërsa Harry pranoi se e respekton dhe komunikojnë në Zoom herë pas here.
“Ky është një fillim i ri për ne dhe duam të shohim para, pasi thamë të vërtetën tonë”- tha çifti në mbyllje të intervistës.
VAZHDO TË LEXOSH MË TEPËR PËR TEMËN
“Po hedh poshtë ëndrrën e çdo vajze vetëm për para”, babai i Meghan Markle sulmon vajzën
“Uragani” Meghan godet sërish
