Një video që është publikuar në rrjetet sociale dhe në disa media ndërkombëtare po bën xhiron e internetit, por autenticiteti i saj nuk është konfirmuar.
Bëhet fjalë për pamjet e trishta që tregojnë njerëz që bien nga një avion i cili ishte ngritur nga aeroporti i Kabulit.
Video u postua fillimisht në Twitter nga agjencia Asvaka dhe dyshohet se tregon tre persona që rrëzohen kur aeroplani që ishte nisur nga Kabuli rriti shpejtësinë pasi u ngrit nga pista.
Shocking footage of a US C-17 taking off from Kabul Airport around 40 minutes ago and something falls off from the aircraft. Many eyewitnesses claim 2-3 people fell off the aircraft over roofs of buildings in Kabul. Not officially confirmed. Shall update. pic.twitter.com/XFdctueRPU
— Aditya Raj Kaul (@AdityaRajKaul) August 16, 2021
Përdoruesit e mediave sociale shkruajnë duke cituar dëshmitë e vendasve, të cilët pohojnë se tre persona, të cilët ishin lidhur tek rrotat e aeroplanit kur po ngrihej nga Kabuli, ranë prej tij pasi avioni u ngrit në ajër.
Dyshohet se tre personat po përpiqeshin të linin Afganistanin pasi talibanët kanë marrë kontrollin e vendit. Një tjetër video e postuar në Twitter dyshohet se tregon momentet kur këta persona kapen pas rrotave të avionit kur ai ishte ende në pistë.
This is moments before this C-17 took off from Kabul airport. People seen hanging/sitting on the landing gear of the aircraft while it takes off. This is how desperate people are to leave Afghanistan after Taliban rule.pic.twitter.com/uGz1MG60u7
— Aditya Raj Kaul (@AdityaRajKaul) August 16, 2021
Tërheqja e trupave amerikane nga Afganistani dhe marrja e menjëhershme e pushtetit nga talibanët, e kanë zhytur vendin në kaos.
Dy dekada pas rrëzimit të tyre, talibanët rikthehen në qendrën e pushtetit, Kabul, dhe sipas disa njoftimeve në media kanë marrë kontrollin edhe në kryeqytet.
Pas marshimit të tyre të furishëm, luftëtarë të armatosur talibanë festuan “fitoren e madhe” në Pallatin Presidencial” në Kabul.
Televizioni al-Xhazira publikoi pamje, ku shiheshin komandantë dhe duzina talibanësh radikalë islamikë në pallat.
