Virgjëreshat e betuara, burrneshat, janë gra që ndërmarrin një betim dëlirësie dhe veshin rroba mashkullore, për të jetuar si burra në shoqëritë patriarkale të Shqipërisë Veriore, Kosovës e Malit të Zi. Në një shtrirje më të vogël, ky fenomen ekziston ose ka ekzistuar edhe nëpër Alpet Dinarike.
Sipas ”National Geographic”, në botë numërohen, më pak se 102 burrnesha.
Tradita e burrneshave në Shqipëri u zhvillua jashtë kanunit – një sërë kodesh dhe ligjesh të zhvilluara nga Lekë Dukagjini dhe përdoreshin kryesisht në Shqipërinë e Veriut dhe Kosovë, nga shekulli i 15-të deri në shekullin e 20-të.
Kanuni dikton që familjet duhet të jenë patrilineare (domethënë pasuria trashëgohet nga burrat e një familjeje) dhe patrilokale (pas martesës, një grua kalon në familjen e familjes së bashkëshortit të saj).
Gratë trajtohen si pronë e familjes.
Sipas Kanunit, gratë janë të zhveshura nga shumë të drejta. Ato nuk mund të pijnë duhan, të mbajnë orë ose të votojnë në zgjedhjet lokale. Ato nuk mund të blejnë tokë dhe ka shumë punë, që nuk u lejohet t’i kryejnë. Ka gjithashtu edhe institucione ku nuk mund të shkelin gratë.
Praktika e virgjërisë së betuar u raportua në Evropën Perëndimore fillimisht nga misionarët, udhëtarët, gjeografët dhe antropologët të cilët vizituan malet e Shqipërisë së Veriut në shekullin e 19-të dhe në fillim të shekullit të 20-t♪7.
Pikërisht kësaj teme i kushtohet filmi ”The Albanian Virgin”, me regji nga Bujar Alimani.
Realizimi do të ketë premierën botërore këtë vit, gjatë edicionit të 37-të, të Festivalit Ndërkombëtar të Filmit në Varshavë, në kategorinë zyrtare të konkursit ndërkombëtar.
Lajmi u bë i ditur nga aktorja Rina Krasniqi, e cila, në film mban peshën e rolit kryesor, atë të Luanës.
‘‘Nuk mund ta shpreh, sa krenare jam që më në fund po e publikojmë para botës, një projekt kaq të përzemërt. Kaq shumë njerëz punëtorë, për të falënderuar”, – ka shkruar Krasniqi, në faqen në ”Facebook”.
Filmi zë vend në Shqipërinë e vitit 1958, ku një djalë dhe një vajzë rriten së bashku, në të njëjtin fshat.
Ata janë miqtë më të mirë. Luana është vajza e një njeriu shumë të respektuar, Agimi biri i tradhtarëve të cilët, u ndaluan nga qyteti nga komunistët.
Pavarësisht nga këto rrethana të pafavorshme, të dy e ruajnë miqësinë për 10 vjet.
Si një grua e re, Luana përjeton gjithnjë e më shumë, se të jesh grua është një mallkim dhe ndërmerr veprime të pazakonta, i jep fund situatës së saj si viktimë dhe fiton fuqinë për të vendosur vetë.
Suksese artistëve! Ata marrin përsipër të zgjojnë të bukurën, duke luftuar me mendësinë që mbërthen njeriun, qëllimisht të pacivilizuar!
VAZHDO TË LEXOSH MË TEPËR PËR TEMËN
”Kryezoti i unazave”: JRR Tolkien, një jetë si në film…
‘Derisa të besosh te vetja, nuk ke për të pasur një jetë’
