Rregullatori federal i rrjeteve gjermane BNA tha të hënën se do të vendoste jo më vonë se 8 janar 2022 nëse do të certifikojë Nord Stream 2 dhe do të lëshojë një licencë operimi për tubacionin e gazit natyror.
“Agjencia Federale e Rrjetit të Gjermanisë njoftoi sot se Nord Stream 2 AG ka dorëzuar të gjitha dokumentet e kërkuara për verifikim nga agjencia. Kështu, Agjencia Federale e Rrjetit ka katër muaj kohë për të përgatitur një projektvendim dhe për ta dorëzuar atë në Komisionin Evropian,” tha rregullatori, Bundesnetzagentur, për gazetën ruse Sputnik të hënën.
Dokumentet janë marrë më 8 shtator, kështu që afati katërmujor përfundon më 8 janar.
Të Premten e kaluar, Gazprom tha se kishte përfunduar ndërtimin e tubacionit Nord Stream 2, megjithëse rrjedhjet e gazit në tubacionin e diskutueshëm të udhëhequr nga Rusia nuk mund të fillojnë derisa Gjermania të japë një licencë operimi për projektin.
Javën e kaluar, Ministri i Jashtëm i Rusisë Sergey Lavrov tha se tubacioni Nord Stream 2 nga Rusia në Gjermani ishte caktuar të përfundonte brenda pak ditësh dhe të vinte në qarkullim.
Por, për të filluar dërgimin e gazit në Gjermani, Nord Stream 2 do të ketë nevojë për miratimin nga rregullatori gjerman përmes një licence operacionale.
Muajin e kaluar, një gjykatë gjermane vendosi që Nord Stream 2 do të duhet t’iu bindet rregullave të Bashkimit Evropian që ndajnë pronarët e tubacioneve nga furnizuesit e gazit, duke i shkaktuar një goditje Gazpromit, i cili kërkoi të hiqte dorë nga rregullat e BE -së për tubacionin e diskutueshëm.
Nord Stream 2 AG, kompania prapa gazsjellësit, tha të Premten se pas përfundimit mekanik të ndërtimit, “aktivitetet e kërkuara para komisionimit do të kryhen me synimin për të vënë në funksionim tubacionin para fundit të këtij viti.”
Gazprom shpreson të fillojë rrjedhjet e gazit përmes pjesës së parë të tubacionit qysh në 1 tetor, raportoi Bloomberg të Mërkurën, duke cituar burime me njohuri të drejtpërdrejta për planet e gjigantit rus të gazit.
/Përkthyer dhe përshtatur për Konica.al nga RT
VAZHDO TË LEXOSH MË TEPËR PËR TEMËN
“Gazsjellësi rus tregon mungesë solidariteti në Europë”
“Nord Stream 2 i Rusisë është i besueshëm për Evropën”
