Ish-kryeministri Sali Berisha e lidh vendimin e Sekretarit amerikan të Shtetit që e shaplli non grata me Xhorxh Sorosin. Sipas tij i gjithë vendimi është i bazuar në shpifje dhe një vepër e multimiliarderit Soros.
Berisha thotë se Sorosi hartoi projektin për ndarjen e Kosovës, për të cilën ish-kryeministri e ka kundërshtuar dhe e ka konsideruar si tradhti kombëtare.
Lideri historik tregon se cfare i ka shkruar Sekretarit te Shtetit, vetem nje ore pasi shpalli vendimin.
“Kam vendosur të nesërmen që shpalli vendimin sekretari i shtetit, ta çoj në gjykatë për shpifje. Vendimin e ke të bazuar mbi shpifje.
Po pse erdhi ky vendim? Në letrën që i kam shkuar atij, vetëm një orë pas vendimit i them: Zoti sekretar, kjo është vepër e multimiliarderit Soros, korruptorit kryesor të politikës.
Po çlidhje kishte Soros me Berishën? Jua them unë!
Ai harton në Beograd projektin, në pamje të parë të ndryshimit të kufijve, në vërtetë shpërbërje e Kosovës, shtetit të pavarur të Kosovës.
Ishte dhënë para e madhe dhe gojët ishin mbyllur, por goja nuk mbyllej kurrë për interesin kombëtar.
Unë e kundërshtova ata që paraqitën projektin. Ja bëra të qartë që kjo është tradhti kombëtare. Është shkelje e kushtetutës së Kosovës dhe nuk mund ta bëjë kush kurrë.
Projekti ishte hartuar në zyrat e Soros në Beograd dhe parashikonte se galeritë e Trepçës i jepeshin Serbisë.
Pasi dështuan me këtë, nxorën Novisadin, Minishengenin.
Cila është çështja e dytë që tërboi mafien e Sorosit? Reforma në drejtësi. Në si opozitë bëmë gjithçka për reformën në drejtësi. Ne ishim në një valë të plotë me komisionin e Venecias. Pasi u votuan amendamentet kushtetues grupi, truri i reformës i përbërë nga ekspertë të Soros.
Kush është sot në krye të drejtësisë. Më parë ishte një jurist, Xhezahir Zaganjori. Ai nuk ishte gjykatës i diktaturës komuniste, kush ishte kreu i gjykatës kushtetutës, ishte një ish-student i dhjetorit. Kush janë sot? Sokol Sadushi, 6 vjet prokurori i diktaturës së egër, Artur Metani. Njeriu që sapo mori detyrën shkoi në hotel Tirana për të marrë ofertën prej 500 mijë eurosh”, tha Berisha.
VAZHDO TË LEXOSH MË TEPËR PËR TEMËN
