Ambasadorja e Suedisë në Shqipëri Elsa Håstad ka zbuluar personat me të cilët udhëtoi drejt Përmetit e Tepelenës bashkë me ambasadoren e Shtetet e Bashkuara të Amerikës, Yuri Kim.
Në një postim në Instagram, ambasadorja Håstad ka publikuar foto ku shihet me Kim, gazetaren Mira Kazhani e Anjeza Majën, moderatoren që tashmë është pjesë e “ERTV”, televizionit të kryeministrit Edi Rama.
View this post on Instagram
Të ftuara nga Ministrja e Mjedisit dhe Turizmit, Mirela Kumbaro, ambasadoret dhe dy mikeshat e tyre kanë shijuar shegët, petullat e lulet e Përmetit e të Tepelenës.
Në një video të postuar po nga ambasadorja Hastad dëgjohet edhe vetë Kumbaro që i shpjegon Kim recetën tradicionale të glikosë.
“Bëhet me fruta të bardha,”– tregon Kumbaro ndërsa ambasadorja e SHBA-ve dëgjon me ëndje.
