Një ekspozitë monumentale do të hapet për publikun në ”Louvre-Lens Paris”, kjo si eksplorim i marrëdhënies së trazuar me ndikim reciprok, mes Muzeut të Luvrit dhe mjeshtrit të pikturës, Pablo Pikaso.
Artisti ka vizituar muzeun për shumë kohë, duke marrë prej aty frymëzim. Ekspozita sjell pikërisht një vështrim të kryqëzuar, mes dy titanëve të historisë së artit.
“Picasso kishte një fuqi syri, kuptimi dhe integrimi të artit jashtë të zakonshmes”, – shprehet Marie Lavandier, drejtore pranë muzeut ”Louvre-Lens”.
Në korridoret e Luvrit, që i viziton pa u lodhur që nga viti 1900, ai do të gjejë një material të jashtëzakonshëm për frymëzim.
“Ideja ishte të kërkosh Luvrin tek Picasso dhe Picasso në Louvre, një logjikë pasqyre e thurur në një fije të kuqe gjatë gjithë kursit. Luvri nganjëherë ka qenë shumë kritik ndaj Pikasos, me një lloj moskuptimi, midis specialistëve të pikturës antike, mbi modernitetin e punës së tij. Dikush ka përshtypjen se zemërimet që ai shkaktoi mbi figurën njerëzore kanë pasur vështirësi për t’u pranuar nga konservatorët”, – thotë Dimitri Salmon, kurator i ekspozitës.
Rreth 450 piktura, vizatime, skulptura, gdhendje, fotografi dhe të tjera dokumente arkivi, përfshirë disa pjesë të jashtëzakonshme që nuk u bënë kurrë publike, do të shfaqen prej 13 tetorit deri më 31 janar 2022.
VAZHDO TË LEXOSH MË TEPËR PËR TEMËN
Arti i ngjyrave tek Pol Sezani
Antikonformiste, magjepsëse, skandaloze
“Venusi”, grua a burrë?
