Sa kushton për të blerë apartamentin tuaj në një super jaht?

Ata që ëndërrojnë të marrin super jahtin e tyre tani mund ta bëjnë ëndrrën realitet duke blerë një apartament brenda tyre, që shiten duke u dhënë pronarëve shërbime të plota dhe akses në restorante, palestra, SPA dhe bodrume vere.

Një i tillë është “Somnio”, që aktualisht është duke u ndërtuar nga norvegjezët. Me një gjatësi 221 metra, do të jetë më i madhi në botë, kur të përfundojë, në 2024. “Somnio” do të ketë 39 apartamente, me çmime që fillojnë nga 9.5 milionë euro secili.

Sigurisht, çmimet varen nga madhësia dhe vendndodhja e apartamentit dhe siç ndodh, sa më i lartë të jetë një apartament, aq më i lartë është çmimi i tij. Ekuipazhi kujdeset për itinerarin, karburantin, si dhe udhëtimet e ndryshme, ju duhet vetëm ta shijoni.