“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë e dobëson sistemin imunitar në dimër?
Mjeku: Dimri është një kohë kur viruset janë në rritje dhe shpesh është e vështirë të shmangësh ngecjen në një mjedis pa mikrobe.
Megjithatë, sa më i fortë sistemi ynë imunitar, aq më e vështirë është të sëmuremi. Kjo varet kryesisht nga sjellja jonë dhe sa mirë e mbrojmë trupin tonë.
Shikoni më poshtë tre zakone që “dobësojnë” sistemin imunitar:
Gjumi i dobët dhe i pamjaftueshëm: Para gjumit, sistemi imunitar stërvitet për të gjetur mënyrat më të mira për të sulmuar mikrobet. Nëse nuk flini mirë dhe orët që ju nevojiten, përgjigja imune në rast “sulmi” nuk do të jetë aq efektive, thonë ekspertët. Qëllimi juaj duhet të jetë të paktën 7 orë gjumë çdo natë.
Konsumimi i shtuar i alkoolit: Konsumimi i tepërt i alkoolit, edhe kur është i zgjatur, pengon funksionimin e duhur të sistemit imunitar. Njerëzit që pinë shumë për vite me radhë prodhojnë qeliza të bardha më pak efikase dhe gjithashtu prodhojnë më pak qeliza që njohin dhe vrasin bakteret dhe viruset.
Jeta sedentare: Ekspertët theksojnë se gjendja e keqe fizike çon në simptoma më të rënda dhe më të gjata pas një infeksioni. Një studim në revistën British Journal of Sports Medicine zbuloi se infeksionet e rrugëve të sipërme të frymëmarrjes zgjasin 42% më shumë tek ata që ushtrojnë më së shumti një herë në javë sesa ata që ushtrojnë të paktën pesë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
