18.11.2021 - 08:10
Një eklips i pjesshëm hënor do të jetë i dukshëm të Premten dhe do të jetë më i gjati i këtij shekulli. Eklipsi pritet të ndodhë midis 18 dhe 19 Nëntorit dhe pritet të zgjasë për 3 orë e 28 minuta. Një eklips i pjesshëm hënor ndodh kur Toka kalon midis diellit dhe Hënës. Rreth 97 përqind e Hënës do të jetë nën hijen e Tokës.
NASA thotë se nëse e lejojnë kushtet e motit, një pjesë e madhe e planetit do të jetë në gjendje të shohë eklipsin, duke përfshirë Amerikën e Veriut dhe Jugut, Azinë Lindore, Australinë dhe rajonin e Paqësorit dhe mund të ndodhë më herët ose më vonë, në varësi të zonës kohore.