Kryetari i Partisë Demokratike, Lulzim Basha ka njoftuar sot mbledhjen në selinë blu të 71 krerëve të degëve të PD-së në të gjithë Shqipërinë.
Burime nga PD bëjnë të ditur se mbledhja do të zhvillohet sot në orën 16:00. Sipas burimeve nga selia blu mësohet se: “Kolegji i kryetareve pritet te ketë ne qendër te diskutimeve çeshtje qe lidhen me organizimin e Kuvendit Kombëtar te PD ne 18 Dhjetor. Kjo është data qe u vendos me 2/3 e votave te Kryesisë se PD”.
Po ashtu burimet për Panorama.al bëjnë të ditur se “thirrja e Kuvendit Kombetar u propozua nga kryetari Basha”, ndërkohë që sipas PD-së, “mbeshtetsve të zotit Berisha iu mohua e drejta për te verifikuar firmat e mbledhura sipas statutit prej tyre per thirrjen e Kuvendit”.
Po ashtu mësohet se “Basha eshte treguar i vendosur ne qendrimin e tij per te mos njohur ato qe i quajti “strukturs paralele”. Burimet theksojnë se “Motoja e Bashes per 18 dhjetorin eshte: ‘1 Parti, 1 Kuvend’”.
