Arsenal mori fitoren e tretë radhazi në Premier League dhe ngjitet në vendin e pestë, kur në fillim të kampionatit renditej i fundit. Topcinjtë fituan 1-0 në shtëpi ndaj Watford.
Pjesa e parë është mbyllur në barazim 0-0. Topçinjtë kanë kaluar në avantazh në minutën e 7-të me Saka, por goli është anuluar nga VAR për pozicion jashtë loje.
Skuadra e Arteta-s ka patur një mundësi të artë për të shënuar në minutën e 36-të, pas penalltisë së fituar nga Lacazette. Te pika e bardhë është paraqitur Aubameyang, goditja e të cilit është ndalur nga super pritje e Foster. Në pjesën e dytë Smith Rowe vendosi ndeshjen me golin e tij në 56’.
Ndërkohë, Tottenham nuk arrin të dalë të fitorja në Premier League. Një pikë në debutimin e Contes në kampionat, në barazimin 0-0 në transfertë me Everton. Takimi tjetër Leeds-Leicester përfundoi 1-1.
VAZHDO TË LEXOSH MË TEPËR PËR TEMËN
Chelsea ngec atëherë kur nuk pritej
