Kalendari i përbashkët kombëtar. Shqipëria dhe Kosova, nënshkruan ditën e sotme, kalendarin e përbashkët kulturor me marrëveshjen-kornizë për trashëgiminë kulturore.
Në mbledhjen e përbashkët të dy qeverive, Shqipëri-Kosovë, ministrja e Kulturës, Margariti, u ndal në aktivitetet e përbashkëta kulturore mes dy vendeve.
“Dje përshëndeta Kuvendin ndërkombëtar të Albanologjisë, organizuar nga dy Akademitë e Shkencave, një ngjarje e rëndësishme kjo pas 40 vitesh, që i bën jehonë të madhe promovimit të vlerave shqiptare dhe identitetit tonë”, tha ajo.
Po ashtu, Margariti tha se “Shqipëria është e gjitha në festë për Javën e Flamurit, ku me aktivitetet tona të përbashkëta jemi me të njëjtin qëllim atë të ruajtjes dhe promovimit të pasurisë sonë kulturore, që ne e trashëgojmë brez pas brezi”.
“Marrëveshja e bashkëpunimit në fushën e trashëgimisë kulturore dhe të muzeve, vjen me bindjen se, duhet të jetë një rrugëtim i forcimit të institucioneve tona, në sfidat e reja që po përballemi. Jam shpresëplotë, se nuk do të mbeten vetëm në letër. Kemi diskutuar për një sërë masash, që çojnë në bashkëpunimin më të gjerë mes muzeve”, – u shpreh ministrja.
Margariti u ndal edhe aktivitetet e përbashëta në arenën ndërkombëtare, veçanërisht në bashkëprodhimin kinematografik. Sikur ajo theksoi, “vetëm në vitin 2020, kemi pasur mbi 10 filma, pjesë e një bashkëprodhimi”.
Nga ana e tij, ministri i Kulturës, Rinisë dhe Sportit i Kosovës, Hajrulla Çeku, vlerësoi bashkëpunimin e ngushtë mes dy institucioneve.
Ai e vuri theksin në organizimin e aktiviteteve të përbashkëta, thellimi i bashkëpunimit në fushën e teatrit, filarmonisë dhe në veçanti të operas, si dhe bashkëpunimin e ndërsjellë në fushën e librit.
Po ashtu, Çeku vlerësoi mbështetjen për anëtarësimin në organizatat kulturore ndërkombëtare për Kosovën.
VAZHDO TË LEXOSH MË TEPËR PËR TEMËN
‘Ligjet janë sovrane mbi sovranët’
‘Xhamia e Vogël’ mbi rrënojat e një bazilike
‘Autochthonous’, Dua Lipa: Nuk kam dashur të nxis urrejtje!
