Kryetari i Partisë Demokratike, Lulzim Basha, ka folur mbrëmjen e sotme për Kuvendin Kombëtar të mbajtur ditën e shtunë, në të cilin delegatët morën vendimin për përjashtimin e Sali Berishës nga strukturat e partisë.
Basha e “injoroi” ish-kryeminsitrin, pasi u shpreh se përjashtimi i Berishës nuk është akti më i madh që bëri Kuvendi Kombëtar, pasi vendimi për atë ishte marrë që në datën 9 shtator, kur u përjashtua nga Grupi Parlamentar.
“Akti më i madh që ka bërë Kuvendi Kombëtar, është që ka vendosur të zgjedhë të ardhmen, të shkëputet nga ajo pjesë e së shkuarës, në çdo kuptim. Vendim i rëndësishëm është edhe vendimi që personat “non grata” nuk mund të jenë pjesë e strukturës së PD-së. Vendimi për Sali Berishën është marrë në 9 shtator”, tha Basha.
