Sam Sokol/
Lara Logan pas vizitës së saj në Auschwitz e krahasoi Anthony Fauci-n, drejtorin e sëmundjeve infektive në Shtetet e Bashkuara me Josef Mengele, doktorin nazist, nofka e të cilit ishte ¨ëngjëlli i vdekjes¨.
Në Fox News Primetime, ajo shprehet se doktor Fauci, nuk përfaqëson shkencën në sytë e njerëzve. Madje ai iu kujton Josef Mengele, doktori i tmerrshëm që eksperimentoi me çifutët gjatë Luftës së Dytë Botërore në kampet e përqendrimit.
Covid shkatërroi shumë vende, përmes ndikimit në të drejtat civile, niveli i vetëvrasjeve ka pësuar një rritje të konsiderueshme, varfëria gjithashtu ka pësuar rritje, ekonomia është përkeqësuar së tepërmi. Njerëzit po i shohin qartë pasojat e menaxhimit të keq të kësaj pandemie por megjithatë nuk e përpijnë më dot, asgjë që po bëhet.
Mengele kur operonte si fizikant në kampet e përqëndrimit në Auschwitz, zgjidhte se cilët nga të burgosurit do të bënin punë të rënda fizikë e cilët do të çoheshin menjëherë në dhomat e gazit. Mengele nuk u mjaftua me kaq, ai bëri eksperimente pafund në kampe, si e si të vërtetonte që raca ariane ishte superiore ndaj racave të tjera.
Muzeu i famshëm i Polonisë iu kundërpërgjigj këtyre deklaratave ¨të krahasosh njerëz të cilët u vranë në mënyrë makabre përmes eksperimente pseudo-mjekësore me njerëz të cilët po luftojnë që të gjejnë vaksinat e duhura për të shpëtuar jetë njerëzish është e turpshme¨.
Retorika të këtilla janë simptoma që shfaqin haptazi qëndrimet kundër moralitetit dhe intelektualitetit shprehet përfaqësuesi i muzeut në llogarinë e tij në Twitter.
Krahasimet e tilla mes fushatave të vaksinimeve e maskave me Holokaustin janë shtuar duke qenë se shumë aktivistë mbajnë yllin e verdhë (si çifutët dikur) e dalin nëpër protesta anti-vaksinim e mbledhje publike.
Republikani Thomas Massie, shpërndau një meme përmes së cilës krahasonte qartazi masat që po merren përgjatë pandemisë dhe mënyrës si u trajtuan të burgosurit gjatë Holokaustit. Ata kishin të vulosur nëpër kyçet e duarve nga një numër që shërbente për t’i identifikuar.
Fotografía që Thomas Massie shpërndau thoshte me shkronja të mëdha: NËSE PËR TË HYRË NË NJË RESTORANT, EVENT, SHESH, APO EDHE PËR T´U RIKTHYER NË VENDIN TUAJ JU DUHET NJË LETËR, JU NUK JENI MË TË LIRË AS VENDI JUAJ NUK ËSHTË MË NJË VEND I LIR˨.
Sam Sokol është gazetar dhe hulumtues izraelit e historisë së tij. Është autori i ¨Putin’s Hybrid War¨ dhe ¨The Jews¨.
Artikulli u përkthye në shqip nga Albana Murra.
VAZHDO TË LEXOSH MË TEPËR PËR TEMËN
842 familjet që përfitojnë kredi të butë për shtëpi
“Të bardhët nuk janë të paarmatosur dhe burrat nuk është se nuk dinë të mbrohen”
“Sekreti i lumturisë”
