Kur në vitin 1976, ishte rregulluar që emisioni i përjavshëm satirik, “Saturday Night Live” (Mbrëmja e të shtunës drejtpërdrejt), do të filmohej nga Zyra Ovale e Shtëpisë së Bardhë. President në atë kohë, ishte republikani Gerald Ford.
Për të filmuar skeçin kishin shkruar Lorne Michaels, drejtuesi i programit si dhe aktorët komikë, John Belushi dhe Dan Aykrod, dy shokët që më vonë do të luanin filmin e famshëm “Blues Brothers”, si dhe ”Chevy Chase”.
Sipas tregimit nga Michaels, kur vetura mbërriti në derën hyrëse të Shtëpisë së Bardhë, oficeri i rojës u kërkoi dokumentet e vizitës si dhe letërnjoftimet personale (ID). Të gjithë i kishin përveç John Belushit që ngriti supet sikur po i kërkonin diçka të pazakontë. Lorne Michaels që nuk kishte lënë gurë pa lëvizur për të siguruar filmimin, nuk e deshi veten.
“Si ka mundësi të vish në Shtëpinë e Bardhë dhe të mendosh se nuk të duhet letërnjoftimi?”, i tha ai duke menduar se planet për skeçin mund të anuloheshin ose duheshin rishkruar.
Mirëpo, oficeri i rojës, pasi futi kokën në makinë dhe i pa me radhë, tha për John Belushin.
“Ky zotëria këtu nuk ka nevojë për letërnjoftim. E njoh se kush është”.
Në fakt, e gjithë Amerika e njihte.
Sigurisht në 1976 nuk kishin filluar ende vendosja e masave ekstreme nga frika e sulmeve terroriste. John Belushi ishte djali i dy emigrantëve shqiptarë në Chicago si dhe vëllai i aktorit tjetër të njohur, James Belushi. Vdiq në vitin 1981 nga mbidozë droge.
VAZHDO TË LEXOSH MË TEPËR PËR TEMËN
Aktori i njohur nuk e harron Shqipërinë
Jim Belushi kujton kohën kur vizitoi Shqipërinë
Gjithmonë i lindur me kombin dhe shqiptarët
