Phoenix Suns ruan kreun e renditjes në Konferencën e Perëndimit në NBA pas fitores 108-90 në fushën e Los Angeles Lakers. Fitorja e katërt radhazi për Suns, ku 7 lojtarë realizuan mbi 10 pikë.
Booker me 24 pikë ishte më i miri për Phoenix, duke i bërë të pavlefshme 34 pikët e LeBron James për Lakers. Ekipi kalifornian po vuan këtë sezon, duke mos bërë dot 3 fitore radhazi.
Devin Booker’s heating up with 20 points 🔥
Suns start the 3rd quarter on a 13-2 run and lead the Lakers 67-54.pic.twitter.com/bBdg6bHhr4
— ClutchPoints (@ClutchPointsApp) December 22, 2021
Fiton edhe skuadra e Miami Heat, që mundi 125-96 Indiana Pacers, sfidë ku Herro e Robinson realizuan nga 26 pikë secili për ekipi nga Florida. Rikthehet te fitorja Dallas Mavericks, që mundi 114-102 Minnesota (Brunson 28 pikë), ndërsa New Orleans mposhti 111-97 Portland Trail Blazers (Ingram 28 pikë e Walker 27).
