Lufta në Ukrainë shkaktoi menjëherë një seri shumë të gjatë reagimesh, edhe nga bota e sportit. Shumë evente janë anuluar, ndërsa më i fundit është vendimi i Polonisë, e cila zyrtarizon: “Nuk do ta luajmë play off-in e Botërorit kundër Rusisë. Nuk ka më fjalë, është koha për të vepruar”.
Presidenti i Federatës Polake të Futbollit, Cezary Kulesza, mban qëndrim dhe bën të ditur se si kombëtarja e Polonisë ka vendosur të mos e luajë ndeshjen kundër Rusisë, të planifikuar për më 24 mars, e vlefshme për “play off”-in e shkuarjes në “Katar2022”.
Koniec ze słowami, czas na czyny! W związku z eskalacją agresji Federacji Rosyjskiej na Ukrainę, reprezentacja Polski nie zamierza rozegrać barażowego meczu z rep. Rosji. To jedyna słuszna decyzja. Prowadzimy rozmowy z federacjami 🇸🇪 i 🇨🇿, aby przedstawić FIFA wspólne stanowisko.
— Cezary Kulesza (@Czarek_Kulesza) February 26, 2022
Ja njoftimi i Kuleszës, i cili do të paraqesë në FIFA një mocion të përbashkët me Suedinë dhe Çekinë: “Nuk ka më fjalë, është koha për të vepruar! Për shkak të përshkallëzimit të luftës së Rusisë ndaj Ukrainës, ekipi kombëtar i Polonisë nuk ka në plan ta luajë ndeshjen e ‘play-off’-it të Kupës së Botës kundër Rusisë.
Ky është i vetmi vendim i duhur. Ne jemi në bisedime me Federatat e Suedisë dhe Republikës Çeke të paraqesim një qëndrim të përbashkët në FIFA”
VAZHDO TË LEXOSH MË TEPËR PËR TEMËN
IOC dhe Euroleague: Asnjë event në Rusi
