MENU
klinika

Një ditë pas shkrumbimit të tragetit në Korfuz

Vijojnë kërkimet për 12 personat e zhdukur

19.02.2022 - 15:23

Një ditë pas shkrumbimit të tragetit të linjës Greqi-Itali ‘Euroferry Olympia’, vijojnë kërkimet për 12 personat e zhdukur.

Dyshohet se numri i të zhdukurve mund të jetë edhe më i lartë për shkak se në anije mund të ketë patur edhe klandestinë. Personat e zhdukur janë 7 bullgarë, 3 grekë 1 turk dhe 1 lituanez, ndërsa shpresat për të mbijetuar sa vijnë edhe pakësohem.

Zjarri në anije thuajse është shuar, por ende vijon të digjet pjesa e brendshme, ndërsa zjarrfikësit janë larguar që prej pasdites së djeshme për shkak se temperaturat në anije janë shumë të larta, deri në 600 gradë, dhe mund të rrezikojë jetën e tyre.

278 persona janë shpëtuar, përfshirë një që nuk ishte në listën zyrtare të pasagjerëve, ndërsa dy personat e tjerë që kishin mbetur të bllokuar në garazhin e anijes, u nxorën gjallë mbrëmjen e djeshme.

Trageti ‘Euroferry Olympia’ u përfshi nga flakët në orët e para të mëngjesit të djeshëm, teksa po lundronte nga Igumenica drejt Brindisit të Italisë. Shkaqet e zjarrit nuk dihen ende, ndërsa hetimet vijojnë.

Shqiptari ndihmoi autorin të arratiset

Del video, si u rrah biznesmeni grek në mes të rrugës

Rrahën për vdekje grekun jashtë një lokali nate

Dy shqiptarët akuzohen për vrasje me paramendim

Alexis Tsipras: Do ta paguani këtë gjë...

BE: Nuk i hapëm negociatat me Shqipërinë!

"Mitsotakis hiq dorë nga armët, le të bëjmë paqe!"

Politikani turk shpalos flamurin para Parlamentit të Greqisë

Në banak shisnin mish, por pas tij kokainë

Goditet banda shqiptare e drogës në Athinë