Pas tre muajsh ish-kryeministri Sali Berisha u rikthye sot në selinë e Partisë Demokratike pasi gjykata e Tiranës njohu statutin e Kuvendit të datës 11 Dhjetor.
Në fotot e shkrepura nga LSA, Berisha shihet teksa ngjitet në selinë blu i shoqëruar nga drejtoresha e Komukimimit për Mediat Floriana Garo dhe besnikët e tij, ndërsa jashtë e presin edhe disa simptatizantë të tij.
Pas futet në godinë Berisha ndalet fillimisht në sallën e konferencave ku pritet të mbahet edhe një deklaratë për gazetarët, ndërsa më pas futet në një nga zyrat e PD ku përfaqësues të dy palëve po bisedojnë prej të paktën një ore.
Në takim ndodhen anëtarët e Komisionit të Rithemelimit bashkë me kreun e komanduar të PD Enkelejd Alibeaj si dhe sekretarin e përgjithshëm të PD Gazment Bardhi.
Më herët gjatë ditës së sotme, menjëherë pas daljes së vendimit të gjykatës, Alibeaj paralajmëroi ankimim dhe kallëzim penal për gjyqtarin e çështjes Agron Zhukri.
VAZHDO TË LEXOSH MË TEPËR PËR TEMËN
