Sekretari amerikan i shtetit Antony Blinken konfirmoi sërish mbështetjen për zgjetimin r BE-së në Ballkanin Perëndimor, ku përfshihet edhe vendi jonë.
Në një bisedë telefonike me kryeministrin e Maqedonisë së Veriut Dimitar Kovaçevski, Blinken përshëndeti momentin e ri të dialogut me Bullgarinë dhe shprehu shpresën se një zgjidhje për çështjen midis dy vendeve do të pasojë gjatë presidencës franceze të BE-së, shkruan Alsat Mk.
Sekretari amerikan i Shtetit theksoi se mbështetja e Uashingtonit buron nga përkushtimi i plotë i Maqedonisë së Veriut ndaj vlerave të NATO-s, siç dëshmohet nga mbështetja e vendit për Ukrainën, e cila është plotësisht në linjë me të gjithë aleatët.
Kryeministri i Maqedonisë së Veriut i ka theksuar sekretarit Blinken se nuk ka kohë për të humbur dhe se çdo vonesë e mëtejshme mund të ketë pasoja të rënda rajonale dhe të hapë dyert për rritjen e ndikimit të palëve të treta në rajon.
Gjatë bisedimeve, Kovaçevski dhe Blinken shprehën kënaqësinë për harmonizimin dhe koordinimin efektiv të NATO-s dhe BE-së në sanksionimin e Rusisë, si dhe në organizimin e mbështetjes efektive për Ukrainën, së cilës iu bashkua edhe Maqedonia e Veriut.
VAZHDO TË LEXOSH MË TEPËR PËR TEMËN
“Anëtarësimi i Shqipërisë në BE i pamundur”, mesazh shkurajues nga Vjena
‘Ngecja’ e anëtarësimit në BE/ ‘VOA’: Shqipëria është tani viktimë e rastit
