Ish-tenisti gjerman Boris Becker, një nga ikonat e këtij sporti, rrezikon të përfundojë në burg. Në Londër ka nisur sot procesi gjyqësor ndaj ish-numrit 1 në botë, që rrezikon burgun për falimentim dhe mashtrim financiar.
54-vjeçari gjerman është paraqitur sot para gjykatës për t’u mbrojtur para akuzave. Becker, fitues i 6 grand slam në karrierë, paraqiti falimentimin e tij në qershor 2017. Gjithsesi, ai është akuzuar se ka fshehur mjaft prona me vlerën që kalojnë 2 milionë euro, ndërkohë që nuk ka respektuar edhe detyrimet bankare.
Për pasojë, në korrik 2019, janë shitur në ankand mjaft nga trofetë e tij, përfshi edhe trofetë e fituar në grand slam. Nga ky ankand u përfituan mbi 750 mijë euro, duke paguar pjesërisht borxhet që tenisti kishte.
Në momentin e falimentimit, borxhi ishte rreth 55 milionë euro. Në rast dënimi, Becker rrezikon deri në 7 vite burg. Në vitin 2002, ai u dënua me 2 vite burg nga një gjykatë gjermane, dënim që u pezullua dhe 500 mijë euro për evasion fiskal.
