“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti:Kafeja mund të ndihmojë tretjen?
Mjeku:Nëse jeni një konsumues i rregullt, atëherë e dini që një filxhan kafe zakonisht pasohet nga një udhëtim në tualet jo shumë kohë më pas.
Ndërsa pija e përditshme është gjithmonë një temë debati kur bëhet fjalë për shëndetin tonë, studimi i ri thotë se ky efekt anësor qesharak do të thotë se kafeja është në të vërtetë e mirë për tretjen dhe më shumë! Për shumë persona, kafeja është një pjesë jetike e rutinës së mëngjesit dhe mund të jetë gjithashtu gjëja që na mban në një orar të rregullt të tretjes. Sipas një rishikimi të ri shkencor të botuar në Nutrients, kafeja ndihmon në tretje dhe ka një efekt pozitiv në disa nga proceset e saj.
Dhe një lajm i mirë: hulumtimi zbuloi se pirja e tre deri në pesë filxhanë kafe në ditë nuk kishte efekte të dëmshme në organet tona të tretjes!
Studiuesit shikuan 194 botime për të gjetur ngjashmëri në lidhje me përfitimet e pirjes së kafesë. Një konstante ishte fakti se kafeja dukej se ndihmonte në sekrecionet gastrike, biliare dhe pankreatike. Të gjitha këto janë jetike për tretjen e ushqimit dhe kafeja dukej se stimulonte prodhimin e tyre. Në veçanti, kafeja ndihmoi në stimulimin e sasisë së gastrinës (një hormon tretës) dhe acidit klorhidrik (që gjendet në lëngun e stomakut) dy faktorë kyç për të ndihmuar në tretjen e ushqimit në stomak.
Rishikimi zbuloi se kafeja lidhet me lëvizshmërinë e zorrës së trashë, duke e bërë atë po aq efektive sa drithërat për t’ju ndihmuar të shkoni në tualet. Kjo gjë mund të çojë në një rrezik të reduktuar të kapsllëkut kronik, sipas studiuesve.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A ndikon kafja tek niveli i sheqerit në gjak dhe diabeti?
A duhet të konsumojnë kafe njerëzit që vuajnë nga veshkat?
