“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti:Kush preket më shpejt nga infeksionet urinare?
Mjeku: Për vendosjen e bakterieve në traktin urinar ndikojnë disa faktorë favorizues:
Manovrat instrumentale në traktin urinar
Të gjitha konditat që pengojnë rrjedhjen normale të urinës e traktin urinar si refluksi vezikoureteral, kalkulozat (gurët) , hipertrofia ose tumoret prostatike, vezika neurogene, neoplazite e bacinit të vogël etj.
Gjithë ato kushte që japin crregullime e ndryshime në nivelin e papilave renale si diabeti mellitus, abuzimi me analgjezike, anemia drepanocitare etj.
Gratë janë më të favorizuara për infeksione urinare pasi ato kanë uretrën më të shkurtër, e kësisoj është më e lehtë që bakteriet që vinë nga koloni të penetrojnë në traktin urinar. Shtatzënia është një faktor tjetër favorizues për infeksionet urinare. Në gratë shtatzëne është konstatuar se ka bakteriuri pozitive në 6-7% të rasteve. Nëse këto gra lihen pa u mjekuar atëherë 20-30% e tyre bëjnë më pas pyelonefrite simptomatike duke kërcënuar seriozisht jetën e fetusit dhe lindje të parakohshme.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A janë infeksionet urinare ngjitëse?
A mund të parandalohen infeksionet urinare?
