Ofensiva e Rusisë në Ukrainë ka ngecur në të gjitha frontet. Kështu është shprehur Ministria e Mbrojtjes së Mbretërisë së Bashkuar. Më tej, bëhet e ditur se rusët kanë bërë përparim minimal në tokë, det e ajër ditët e fundit dhe ato vazhdojnë të pësojnë humbje të mëdha në njerëz dhe artileri.
Përmbledhja shton se forcat ruse kanë “bërë përparim minimal në tokë, det ose ajër në ditët e fundit dhe ato vazhdojnë të pësojnë humbje të rënda”.
“Rezistenca ukrainase mbetet e palëkundur dhe e mirë-koordinuar. Shumica dërrmuese e territorit ukrainas, duke përfshirë të gjitha qytetet e mëdha, mbetet në duart e Ukrainës”, thuhet në deklaratë.
Ushtria e Ukrainës thotë se përpjekjet e Rusisë tani kanë kaluar në sulme ajrore, bombardime dhe granatime të popullatës civile, sepse ata kanë qenë “të pasuksesshëm” në operacionet e tyre tokësore.
Moska ka regjistruar vetëm rreth 500 vdekje të trupave deri më tani, por inteligjenca amerikane vlerëson se është afër 7,000 personel.
VAZHDO TË LEXOSH MË TEPËR PËR TEMËN
Britania: Rusia më e rrezikshme se ISIS
Eksperti amerikan: Ballkani Perëndimor pikë e rrezikshme
