Sonte në darkë, në fund të votimit, KQZ-ja do të njoftojë pjesëmarrjen në 6 bashkitë e zgjedhjeve të pjesshme. Dhe fill pas këtij njoftimi, me gjasa, do të fillojnë diskutimet në studiot televizive mbi nivelin e ulët të pjesëmarrjes në votim. Përsëri me gjasa, pakkush do të vërë në dukje faktin se shumica dërrmuese e atyre zgjedhësve që nuk marrin pjesë në votim, në fakt, nuk e kanë mundësinë praktike të votojnë (sepse janë në emigracion të përhershëm apo të përkohshëm).
Teksa nuk mund të dimë me saktësi se sa dhe si do të votojnë nesër banorët e 6 bashkive, shifrat e votimit të vjetshëm (të 25 prillit) mund të na japin një pikë referimi.
Kështu, në Bashkinë Durrës, 42.5% e zgjedhësve të listës së 25 prillit të vjetshëm votuan, ndërsa rreth 45% të tjerë ishin jashtë Shqipërisë ditën e zgjedhjeve. Në Bashkinë Shkodër, 41.5% e zgjedhësve të listës së 25 prillit të vjetshëm votuan, ndërsa rreth 49% të tjerë ishin jashtë Shqipërisë ditën e zgjedhjeve. E kështu me rradhë…
Pra, në qoftë se pjesëmarrja zyrtare i afrohet nesër përqindjeve të 25 prillit të vjetshëm, mund të thuhet se zgjedhësit e 6 bashkive të mbetur në Shqipëri kanë marrë pjesë masivisht në votimin. (Në tabelën 1, jepen përqindjet e pjesëmarrësve, mospjesmarrësve dhe atyre që ishin jashtë Shqipërisë më 25 prill 2021.)
Tabela 1. Pjesëmarrja më 25 prill 2021
Bashkitë Pjesëmarrës Mospjesmarrës Jashtë Shqipërisë* TOTAL
Durrës 42.5% 12.5% 45% 100%
Shkodër 41.5% 9.5% 49% 100%
Lushnje 47.0% 11.0% 42% 100%
Dibër 53.0% 11.0% 36% 100%
Vorë 55.0% 10.0% 35% 100%
Rrogozhinë 34.8% 13.2% 52% 100%
* Përqindje e përafërt, bazuar në të dhënat e INSTAT-it
VAZHDO TË LEXOSH MË TEPËR PËR TEMËN
Rritja/ Tkurrja e PD dhe e PS në secilin nga 12 qarqet
Një premtim që duhet ta bëjnë kandidatët për kreun e PD-së
Zaloshnja: Çfarë duhet të bëjë Lulzim Basha që të fitojë zgjedhjet
