“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti:A është i dëmshëm konsumi i përditshëm i vezës?
Mjeku:Disa rregulla ushqimore janë shumë intuitive. Përshembull, ju e dini se duhet të hani perime çdo ditë dhe të shmangni ngrënien e ushqimeve të skuqura. Megjithatë, ka disa pyetje që na vendosin në dilemë, si përshembull nëse është e dëmshme të hamë vezë çdo mëngjes?
Vezët janë mendimi i parë që na vijnë për një vakt mëngjesi pasi ato janë një burim i shkëlqyer i lëndëve ushqyese thelbësore si kolina e cila gjendet në të verdhën e vezës apo dhe proteinat. Përgatiten shpejt, s’kanë kosto, janë të shijshme dhe me vlera ushqyese, por si ndikojnë nëse konsumohen çdo ditë?
Në studime të kryera më herët, konsumi i shpeshtë i vezëve s’ishte dhe aq i këshillueshëm për shkak të kolesterolit natyral që përmban, por një studim i kryer në Harvard, arriti në përfundimin se njerëzit nuk kanë pse ia ndalojnë vetes një vakt që përmban vezë dhe se nuk ka asnjë lidhje mes konsumit të vezëve dhe problemeve kardiovaskulare.
Përkundrazi, një vezë në ditë mund të ndikojë për mirë në shëndetin e zemrës tek individët që gëzojnë shëndet të plotë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A duhet të hiqni dorë nga veganizmi gjatë shtatzënisë?
A janë vezët të mira për shëndetin e zemrës?
