Okay, nuk e prisnim, por ndodhi. Meghan Markle dhe Princi Harry janë takuar për herë të parë që pas 2 vitesh me Mbretëreshën Elizabeth II.
Lajmin e konfirmoi përfaqësuesi i Dukës dhe Dukeshës së Sussex këtë pasdite.
Gazetari mbretëror Omid Scobie ndau lajmin menjëherë pasi “TMZ” raportoi se Meghan dhe Harry bënë një ndalesë në Mbretërinë e Bashkuar për të takuar Mbretëreshën Elizabeth II dhe Princin Charles.
𝐁𝐑𝐄𝐀𝐊𝐈𝐍𝐆: A Sussex spokesperson confirms that, prior to arriving in The Hague for @InvictusGamesNL, Prince Harry and Duchess Meghan stopped in the UK this morning to visit the Queen. It was a Windsor visit that their team recently revealed the duke “hoped to do”.
— Omid Scobie (@scobie) April 14, 2022
Burimet thanë për “TMZ” se Meghan dhe Harry fluturuan nga Los Angeles në Londër të martën mbrëma. Ata zbuluan se plani i tyre ishte të shijonin një vizitë të shkurtër këtë javë në Londër përpara se të niseshin për në Holandë para fillimit të ‘Lojërave Invictus’. Është e qartë se ata janë në përpjekje për të qetësuar gjërat që kur ata u larguan nga familja mbretërore në 2020.
Mirëpo besohet se ka një arsye për këtë gjë. Mbretëresha, e cila tani është 95 vjeç, ka pasur probleme shëndetësore – veçanërisht me lëvizshmërinë e saj. Pallati sapo njoftoi se nuk do të marrë pjesë në shërbimet e së dielës së Pashkëve në kapelën e Shën Gjergjit në Kështjellën Windsor.
Ndërsa Princi Harry vizitoi Britaninë e Madhe disa herë, duke përfshirë verën e kaluar ku mori pjesë në përkujtimorejn e Princeshës Diana. Takimi ballë për ballë me babanë dhe mbretëreshën është përpjekja e tyre e parë personalisht për të bërë paqe.
VAZHDO TË LEXOSH MË TEPËR PËR TEMËN
“Më gjej një mashkull të famshëm”, flet mikesha…
“Meghan po përndiqet si Lady Diana”
3 këngë që nuk do tingëllojnë më njësoj pas intervistës së Meghan
