Ministri i Brendshëm, Bledi Çuçi ka treguar se qeveria shqiptare ka marrë vendimin për reduktimin e zyrave civile.
Ministri tha se do jenë 150 zyra të hapur në të gjithë Shqipërinë, pasi një pjesë e madhe e shërbimeve do të kalojnë online.
Ndërsa theksoi se dokumentet që u duhen qytetarëve do të sigurohen nga vetë insitucionet publike.
Bledi Çuçi: Sot miratuam reduktimin e zyrave të gjendjes civile, nga 390 do ketë vetëm 150 zyra të tilla si pasojë e revolucionit digital që po bëjmë për dhënien e shërbimeve publike.
Të gjitha shërbimet do jenë prej 1 majit online.
Do ketë 150 sportele për të marrë vetëm ato shërbime nga gjendja civile për të cilat duhet të jetë i pranishëm detyrimisht qytetari, ndërsa të tjerat online. Do shkëputet kontakti i qytetarit me sportelet fizike, do vetëm online.
Institucionet e administratës publike janë të detyruara t’i sigurojnë çdo dokument që duhet nga shërbimi i gjendjes civile për një shërbim që i jep një qytetari.
Nëse qytetar merr një shërbim nga Ministria e Arsimit dhe për këtë do i duhet një certifikatë si dokument plotësues, s’do jetë më qytetari që e siguron por vetë institucioni i administraës publike. Prej datës 1 maj do jetë një sasi shumë e madhe shërbimesh që do të ofrohen vetëm online, vetëm nga Ministria e Brendshme janë rreth 90 shërbime.
VAZHDO TË LEXOSH MË TEPËR PËR TEMËN
Rama: Jo më inspektorë në terren, brenda 4 viteve gjithçka online për…
Prezantohet aplikacioni më i ri i Postës Shqiptare
