Një tjetër deputet është tërhequr nga platforma e Enkelejd Alibeajt, duke kërkuar kthimin e Sali Berishës në Grupin Parlamentar. Në një postim në Facebook, deputeti i Bashkisë Vau Dejës, Zef Hila shkruan se situata në të cilën PD ndodhet është e vështirë dhe se ka nevojë për bashkim.
“Të gjithë jemi njohur me platformën e propozuar, e cila lë shumë hapësira dhe krijon “ngërçe”, të cilat nuk zgjidhin por përkeqësojnë situatën në radhët e demokratëve. Si zëri juaj dhe përfaqësues i demokratëve ndjej detyrimin t´ju bëj me dije qëndrimin tim përballë kësaj situate:
Grupi parlamentar i dalë nga zgjedhjet e 25 Prillit 2021 duhet të jetë unifikues, duke filluar me shfuqizimin e çdo vendimi për përjashtim të deputetëve të grupit parlamentar.
Të gjithë demokratët duhet te jenë të bashkuar nën një sigël të vetme të Partisë Demokratike.
Vota e lirë e çdo demokrati është baza për zhvillimin dhe forcimin e Partisë Demokratike”, shkruan ai.
Postimi i plotë:
Të nderuar demokratë të Bashkisë Vau Dejës dhe Qarkut të Shkodrës,
Si përfaqësues i juaji në Parlamentin Shqiptar, pjesë e Grupit Parlamentar të Partisë Demokratike, ndjej detyrimin tim personal për të sqaruar të gjithë demokratët e Qarkut Shkodër, për qëndrimin tim lidhur me situatën aktuale në Partinë Demokratike të Shqipërisë.
Situata e vështirë, në të cilën po kalon forca e vetme me frymë demokratike, e lindur në vitet 90 për të sjellë ndryshimin në Shqipëri, sot ka nevojë për Bashkim, dhe asnjë “përçarje”.
Të gjithë jemi njohur me platformën e propozuar, e cila lë shumë hapësira dhe krijon “ngërçe”, të cilat nuk zgjidhin por përkeqësojnë situatën në radhët e demokratëve.
Si zëri juaj dhe përfaqësues i demokratëve ndjej detyrimin t´ju bëj me dije qëndrimin tim përballë kësaj situate:
Grupi parlamentar i dalë nga zgjedhjet e 25 Prillit 2021 duhet të jetë unifikues, duke filluar me shfuqizimin e çdo vendimi për përjashtim të deputetëve të grupit parlamentar.
Të gjithë demokratët duhet te jenë të bashkuar nën një sigël të vetme të Partisë Demokratike.
Vota e lirë e çdo demokrati është baza për zhvillimin dhe forcimin e Partisë Demokratike.
Ky është qëndrimi im përballë demokratëve, çdo kërkesë përjashtuese ndaj çdo demokrati thellon krizën ndërkohë që sot është koha vetëm për bashkim rreth vlerave të demokratëve.
VAZHDO TË LEXOSH MË TEPËR PËR TEMËN
Alibeaj: Pseudoprotesta e të shtunës do të dështojë
Alibeaj tregon kërkesat: Sali Berisha të dorëhiqet si Basha
