Kurti uron besimtarët: Agjërimi le të na bëjë më falënderues

Kryeministri i Kosovës, Albin Kurti iu ka uruar Fiter Bajramin të gjithë besimtarëve myslimanë.

Me anë të një postimi në profilin e tij në Facebook, Kurti shkruan:

“Pas një muaji agjërim, vetëpërmbajtje dhe sakrificë, besimtarët myslimanë sot ndajnë gëzimin e Fiter Bajramit.

Le të marrim të gjithë nga pak nga përditshmëria e muajit të Ramazanit dhe ta bëjmë përditshmëri për tërë vitin. Agjërimi le të na bëjë më falënderues për begatitë. Vetëpërmbajtja le të na bëjë më të disiplinuar ndaj lakmisë. Sakrifica le të na bëjë më solidarë me njëri-tjetrin.

Me urimin dhe shpresën që agjërimi dhe lutjet tuaja janë pranuar, me fat të gjithëve Fiter Bajrami”.