Luftërat mbarojnë. Shumica, përfundojnë me negociata.
Kjo mund të jetë ajo që ndodh edhe me luftën që Rusia nisi kundër Ukrainës më 24 shkurt, megjithëse një ish-anëtar i regjimit të Moskës paralajmëron kundër nxitjes së Ukrainës për të negociuar ndërkohë që presidenti Vladimir Putin është ende i prirur për më shumë pushtime.
“Thjesht nuk mund të bësh paqe tani”, tha në një intervistë me Puck, Boris Bondarev, i cili kohët e fundit dha dorëheqjen nga posti i tij në Ministrinë e Jashtme ruse .
“Nëse e bëni këtë, do të shihet si një fitore ruse.” Kjo thjesht do të inkurajonte regjimin e Putinit që të shfrytëzonte një armëpushim për t’u riarmatosur dhe më pas për të rifilluar luftën, argumentoi Bondarev.
Ai ka argumenta bindës.
Do të ishte një katastrofë – morale dhe strategjike – nëse Putin do të ftohet në bisedime para se të arrijë objektivat e tij kryesore të luftës. Ish-sekretari amerikan i shtetit Henry A. Kissinger tha në Forumin Ekonomik Botëror në Davos, Zvicër, se qeveritë perëndimore duhet ta nxisin Ukrainën për bisedime me Putin në 60 ditët e ardhshme, si dhe të mbështesin “lëshimet” territoriale të Ukrainës, në mënyrë që konflikti të kthehet në një “luftë të re” destabilizuese kundër vetë Rusisë.
Një mendim i ngjashëm duket se është edhe në Itali dhe Hungari, të cilat thuhet se po i kërkojnë Bashkimit Evropian të mbrojë një armëpushim dhe bisedime paqeje në samitin e tij javën e ardhshme.
Kolegët tanë në bordin editorial të New York Times i kanë bërë thirrje Presidentit Biden që të këshillojë Kievin që të mos “ndjek pas një ‘fitore’ iluzore”.
Kjo mbetet një pikëpamje e pakicës brenda aleancës perëndimore dhe duhet të jetë.
Siç e bëri të qartë presidentja e Komisionit Evropian Ursula von der Leyen në Davos: “Ukraina duhet ta fitojë këtë luftë dhe agresioni i Putinit duhet të jetë një dështim strategjik”.
Sigurisht, lufta është tmerrësisht e kushtueshme – për të gjithë botën. Duhet të përfundojë sa më shpejt të jetë e mundur.
Presidenti ukrainas Volodymyr Zelensky ka treguar se ai do të bisedojë me Putin – sapo Rusia të tërhiqet nga objektivat fillestare.
Zelensky gjithashtu këmbëngul, se një paqe e rreme do të ishte më e keqe se e kotë dhe se bisedat e parakohshme për një zgjidhje nuk duhet të cenojnë përpjekjet ushtarake të Ukrainës.
Siç vëren Kissinger dhe të tjerët, Moska ka mjete të mjaftueshme për të përshkallëzuar luftën – edhe duke përdorur armë bërthamore.
Megjithatë, ajo që është e jashtëzakonshme për tre muajt e fundit të luftës është se sa pak oreks ka treguar Putin për konfrontimin me Perëndimin.
As Putin nuk tregon shenja interesi për një marrëveshje të tillë si ajo që Kissinger thotë,
Ndoshta kundërofensiva e Ukrainës do të dështojë dhe situata ushtarake do të arrijë përfundimisht në një ngërç të tillë që një zgjidhje e negociuar të bëhet e pashmangshme.
Për momentin, megjithatë, mënyra më e mirë për miqtë e Ukrainës për të ndihmuar është të përshpejtojnë dërgesat e armatimeve – dhe të ndalojnë negociatat me veten e tyre.
Burimi: The Washington Post
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
“Corriere”: Plani sekret i Boris Johnson, do t’i rrëmbejë BE-së Ukrainën, Poloninë dhe…
“Epoka e vetmisë gjeopolitike”/ Ku po shkon Rusia e Putinit?
