Presidenti i Ukrainës Volodymir Zelensky deklaroi këtë të premte se se Kievi synon të vendosë regjimin e vizave për qytetarët rusë që dëshirojnë të hyjnë në Ukrainë, duke filluar nga 1 korriku.
“Ukraina po prezanton një regjim vizash për qytetarët e Federatës Ruse”, njoftoi Zelensky në llogarinë e tij në Telegram.
Ai tha se kërkesa do të hyjë në fuqi muajin e ardhshëm, pasi mori miratimin e qeverisë këtë të premte.
Masa ka të ngjarë të shihet si simbolike duke pasur parasysh se kufijtë midis Rusisë dhe Ukrainës kanë mbetur të mbyllur që kur Moska pushtoi fqinjin e saj më 24 shkurt dhe Kievi ndërpreu marrëdhëniet diplomatike me Moskën.
Kërkesa për vizë, e cila është vendosur të hyjë në fuqi më 1 korrik, përfaqëson megjithatë një ndryshim të rëndësishëm në lehtësinë e udhëtimit të lejuar më parë.
Presidenti ukrainas Volodymyr Zelenskyy tha në mediat sociale të premten se vendimi ishte i motivuar nga “kërcënimi i paprecedentë ndaj sigurisë kombëtare, sovranitetit dhe integritetit territorial” të Ukrainës.
Përpara se Rusia të pushtonte Ukrainën, rusët nuk kishin nevojë për viza për të hyrë në vend. Shumë rusë kanë të afërm përtej kufirit, ndërsa të tjerë udhëtonin rregullisht për të vizituar plazhet jugore të Ukrainës dhe qytetet historike.
VAZHDO TË LEXOSH MË TEPËR PËR TEMËN
