Brad Pitt po e akuzon ish-in e tij, Angelina Jolie, se po përpiqet qëllimisht t’i “shkaktojë dëm” atij dhe interesave të tij në verën e tyre “Chateau Miraval”. Në dokumentet e reja ligjore të paraqitura në Los Anxhelos, avokatët e Pitt pretendojnë se Angelina Jolie ia shiti aksionet e saj në punishten e verës oligarkut rus Yuri Shefler në një përpjekje për të dëmtuar përfshirjen e Pitt në kompani.
Pitt fillimisht e paditi Jolie për shitjen e aksioneve të saj të Miraval në shkurt dhe po kërkonte dëmshpërblime monetare, tarifa ligjore dhe që shitja e Miraval nga Jolie te Shefler të anulohej.
Në këto dokumente të fundit, avokatët e Pitt pretendojnë se “Jolie kërkoi t’i shkaktonte dëm Pitt” dhe pretendojnë se ajo “e dinte dhe synonte që Shefler dhe bashkëpunëtorët e tij do të përpiqeshin të kontrollonin biznesin që Pitt kishte ndërtuar dhe të minonin investimet e Pitt në Miraval”.
“Vreshti u bë pasion i Pitt dhe një pasion fitimprurës, pasi Miraval, nën drejtimin e Pitt, është rritur në një biznes global shumë milionë dollarësh dhe një nga prodhuesit më të vlerësuar në botë të verës roze,” pohojnë dokumentet. “Jolie, ndërkohë, nuk kontribuoi asgjë në suksesin e Miraval”.
Dokumentet e reja pretendojnë se, që nga marrja e një aksioni në Miraval, Shefler, pronari i SPI Group, një konsorcium ndërkombëtar i shitjes së alkoolit- thuhet se “ka nisur një kontroll armiqësor të biznesit të verës, duke destabilizuar operacionet e Miraval dhe duke kërkuar akses në Miraval informacion konfidencial dhe pronësor në dobi të ndërmarrjes së tij konkurruese. Jolie ndoqi dhe më pas e përfundoi shitjen e supozuar në fshehtësi, duke e mbajtur qëllimisht Pitt në errësirë dhe duke shkelur me vetëdije të drejtat kontraktuale të Pitt,-thuhet në padi.
Sipas padisë së Pitt në shkurt, aktori 58-vjeçar pohoi gjithashtu se sipas kushteve të divorcit të tyre, i cili u finalizua në vitin 2019, çifti kishte një “mirëkuptim të ndërsjellë” që asnjëri prej tyre nuk mund të shiste interesin e tyre në kantina e verës pa pëlqimin e tjetrit.
VAZHDO TË LEXOSH MË TEPËR PËR TEMËN
A po takohen fshehurazi Jolie dhe Pitt?!
“Lufta” Pitt-Jolie nuk ka fund, kërkojnë kohë
“Brad po i “nxin jetën” Jolie”
