Ditët e verës mund të jenë shumë të vështira, kur temperaturat rriten dhe muret nxehen, kështu që është e pamundur të biesh në gjumë gjatë natës. Nëse nuk keni kondicioner ose thjesht nuk e përdorni, ka mënyra për t’u freskuar.
Vendoseni ku duhet freskuesen në dhomë
Freskueset lejojnë që ajri të rrjedhë kudo në dhomë prandaj mos e vendosni atë pranë dritares. Është më mirë ta vendosni pranë derës ose korridorit të hapur në mënyrë që ajri më i freskët nga korridori të hyjë në dhomë.
Kombinimi i akullit dhe freskuesen
Vendosni një enë më akull para freskueses. Ndërsa shkrihet, freskuesja do të përhapë ajrin e ftohtë nëpër dhomë, shkruan abcnews.al.
Vendosni një leckë të lagur në dritare
Një dritare e hapur dhe një leckë e lagur bëjnë të njëjtën gjë si akulli dhe një freskuese. Para se të shkoni në shtrat, hapni dritaren dhe vendosni një leckë të lagur. Në këtë mënyrë, në vend të ajrit të ngrohtë, në dhomë do të hyjë ajër pak më i ftohtë.
Flini në çarçafë pambuku
Gjatë verës ju duhen vetëm çarçafë pambuku, të cilat janë më të holla dhe më të lehta. Pambuku është një material i përshkueshëm nga ajri dhe është i këndshëm për lëkurën, dhe duke qenë se ka shumë lloje të tij, është mirë të zgjidhni një prej pambuku të pastër, shkruan abcnews.al.
Hidratoni veten
Një nga mënyrat më të mira për t’u freskuar gjatë verës është të ulni temperaturën e trupit duke pirë sa më shumë ujë. Para se të shtriheni, pini një gotë ujë. Mos e teproni, sepse më pas do të shqetësoheni nga fakti se do të ngriheni shpesh për të shkuar në tualet.
VAZHDO TË LEXOSH MË TEPËR PËR TEMËN
Si ta mbani maskën gjatë verës kur bën vapë?
A ndikojnë temperaturat e larta tek të vaksinuarit?
