Zidane fik qirinjtë dhe shpreh dëshirën e tij më të madhe: Do ishte gjëja më e bukur në jetë Zinedine Zidane mbushi 50-vjeç, por ashtu si një vit më parë, e festoi ditëlindjen si një i papunë.
Tri herë fituesi i Champions League me Real Madrid ka pasur oferta pafund këtë periudhë, por i ka refuzuar në mënyrë të prerë teksa mbetet në pritje për të marrë drejtimin e përfaqësueses franceze, për të kjo do ishte një ëndërr e bërë realitet:
“Do ishte gjëja më e bukur në jetë. Është një objektiv i imi por nuk është vetëm në dorën time. Një ditë do të jem trajneri i bluve, të paktën kështu shpresoj pasi realisht është diçka që e dua shumë.
E thashë dhe më lart, nuk varet vetëm nga unë, por është diçka që nuk më ikën nga mendja. Për momentin përfaqësuesja është në rregull por nëse një ditë do të më prezantohej si një opsion do të jem gati”, u shpreh Zidane për L’Equipe.
VAZHDO TË LEXOSH MË TEPËR PËR TEMËN
