Huawei Watch Fit 2 bëri debutimin global gjatë muajit maj në një ngjarje magjepsëse në Milano, ku gjithashtu u prezantuan edhe Watch GT 3 Pro dhe telefoni i mençur i palosshëm Mate Xs2.
Watch Fit 2 ka një ekran AMOLED me madhësi prej 1.74”, matësin e rrahjeve të zemrës, SpO2 dhe matësin e nivelit të stresit, e gjithashtu mbështet edhe 97 mënyra të ndryshme të matjes së aktivitetit.
Huawei e sjell orën në tre stile të ndryshme, ndërsa GSMArena shkruan se zgjidhja e tyre më elegante është ngjyra Silver Frost, me brez metalik magneti. Vetë brezi 20mm është standard dhe lehtë i zëvendësueshëm.
Huawei Watch Fit 2 ka një trup drejtkëndor dhe një kornizë të hollë në të katër anët. Është mjaft kompakte, dhe hyn në kategorinë në mes të orës së mençur dhe brezit të mençur.
Është e pajisur me një buton të vetëm të sheshtë anash dhe ka ekran me prekje, e cila është mënyra e vetme për të operuar me të.
Ora është shumë e lehtë, duke peshuar rreth 30 gram pa brezin metalik. Por edhe me brezin e përfshirë në peshë, mezi se mund ta ndieni atë në kyçin tuaj.
Pjesa e pasme e Watch Fit 2 ka sensorët e shëndetit.
Por kjo orë nuk e mbështet rimbushjen me teknologjinë wireless, dhe ju duhet që në udhëtim ta bartni edhe një kabllo tjetër.
Sa i përket anës softuerike, ndërfaqja e kësaj ore është sistemi operativ Harmony 2.0, sistem të cilin Huawei ka disa vite që e përdor në orët e tyre viteve të fundit.
Huawei Watch Fit 2 ka bateri prej 292mAh. Mund të qëndrojë deri në 10 ditë me një mbushje të vetme nëse fiket AOD.
Çmimet e Watch Fit 2 janë 150, 180 dhe 230 euro, duke u varur se nëse përdoruesi zgjedh brezin fluoroelastomer, brezin klasik me lëkurë apo brezin elegant.
VAZHDO TË LEXOSH MË TEPËR PËR TEMËN
