Britania e Madhe është tronditur jo pak nga rrëfimi i kampionit olimpik të vet Mo Farah. Në një intervistë sensacionale për BBC, atleti i garave 5 dhe 10 mijë metra pohoi se ishte trafikuar në ishull dhe i kaloi vitet e tij të rinisë në Londër, në robëri shtëpiake.
Të gjithë e dinin se Farah kishte ardhur në Mbretërinë e Bashkuar për të jetuar së bashku me babanë e tij, por e vërteta qëndron ndryshe, pasi i ati i kampionit olimpik në fakt ka vdekur, pasi ishte viktimë e luftës civile në vendlindjen e tij, Somali. Dhe, në mënyrë të pabesueshme, Mo Farah nuk është as emri i tij i vërtetë.
Dihej që ai erdhi në Britani në moshën 8 vjeç dhe jetoi me një teze dhe xhaxha. Por në fakt ai është trafikuar me emrin e dikujt tjetër Mo Farah dhe emri i vërtetë i tij është Hussein Abdi Kahin. Kampioni në 5 dhe 10 mijë metra në Lojërat Olimpike 2012 në Londër, për arritjet në atletikë, mori edhe titullin Sir nga Mbretëresha.
Olympic gold medalist Sir Mo Farah has revealed he was trafficked to the UK as a child, given a new name and forced to work a domestic servant
His real name is Hussein Abdi Kahinhttps://t.co/wN01Xd74nM pic.twitter.com/LEvN9pbcmW
— philip lewis (@Phil_Lewis_) July 11, 2022
Por rrëfimi i tij i fundit trazon shumë gjëra tashmë. Gjithsesi, atleti me origjinë somaleze tha nuk mund të jetonte gjithë jetën me këtë të fshehtë, duke marrë parasysh edhe pasojat.
