Një ditë pas protestave të dhunshme para Ministrisë së Punëve të Jashtme, Qeverisë dhe Kuvendit në Maqedoninë e Veriut, në ndërtesën e MPJ-së shihen xhama të thyer, shkallë të mbushura me ngjyrë të kuqe dhe fasadë e dëmtuar.
Protestat e djeshme të VMRO-së kundër propozimit të ri francez u përshkallëzian kur protestuesit arritën pranë Kuvendit.
Nga përballja me protestuesit, mbetën të lënduar 47 policë, dy prej të cilëve ndodhen në gjendje më të rëndë, raporton Alsat-mk.
Dje ishte dita e katërt e protestave me moton “Ultimatum? Jo, faleminderit”, kundër propozimit francez përmes të cilit synohet të tejkalohen dallimet mes Shkupit dhe Sofjes.
Protestuesit i kanë bërë thirrje ministrit të Jashtëm, Bujar Osmanit, që “ta mësoj historinë maqedonase”.
Në pankartat e protestuesve emri i Bujar Osmanit, ishte deformuar në Bugar Osmani.
Protestuesit kanë kërkuar dorëheqjen Kryeministrit maqedonas, Dimitar Kovaçevski dhe ministrit të Jashtëm, Bujar Osmanit
VAZHDO TË LEXOSH MË TEPËR PËR TEMËN
Protesta në Shkup kundër propozimit francez
Presidenti maqedonas mbledh Këshillin e Sigurisë kombëtare
