Dhjetëra artefakte të grabitura, disa prej tyre nga shekulli IV p.e.s., u bënë pjesë e muzeut të veprave të artit për shpëtuara në Romë, pasi hetuesit në Nju Jorkut ranë në gjurmët e tyre dhe i kthyen në Itali, gjatë kësaj javë.
Midis 142 veprave antike është një afresk që daton në vitin 50 pas Krishtit, gjetur në rrënojat e një qyteti antik të varrosur nën hirin vullkanik, gjatë shpërthimit të Vezuvit.
Piktura u grabit në vitin 1995, nga një vilë në zonën arkeologjike Herculaneum dhe miliarderi i fondit Michael Steinhardt, një koleksionist i pasur i artit, e bleu për 650,000 dollarë atë vit, sipas burimeve zyrtare.
Afresku që tregon Herkulin fëmijë, duke mbytur një gjarpër, vlerësohet në 1 milion dollarë dhe është pjesë e koleksionit të sendeve të gjetura, me vlerë rreth 14 milion dollarë.
Pjesët përfshijnë artefakte nga viti 700 p.e.s. dhe tre pjesë afreskesh, që datojnë në shekullin e IV, me temë gra vajtuese. Afresket erdhën nga një qytet i lashtë grek, në Italinë jugore. Grabitësit i kanë marrë pikturat, nga muri i një varri, – thanë autoritetet njujorkeze.
Ndërsa do të jenë të sigurta në Muzeun e Artit të Shpëtuar në Romë, i çelur muajin e kaluar në kryeqytetin italian, për të ekspozuar artefaktet e gjetura, përpara kthimit në zonat nga ku u plaçkitën ose humbën.
Në fund të vitit të kaluar, pasi hetuesit italianë dhe amerikanë gjurmuan veprat e trafikuara në koleksionin e Steinhardtit, ai hoqi dorë nga 180 të tilla, duke përfshirë pjesët nga afresket, si dhe përballjen me masën drastike që ia ndalon blerjen e antikuareve.
Gjatë një ceremonie në Nju Jork, autoritetet vlerësuan thanë se 48 nga artefaktet e dorëzuara në Itali, ishin nga koleksioni i Steinhardtit, ndërkohë, se 60 të tjera u gjetën në Nju Jork, në “Royal-Athena Galleries”.
“Këto artefakte meritojnë të kthehen në vendin e origjinës, ku populli, ai italian në këtë rast, të mund të admirojë veprat e artit që dëshmojnë të kaluarën e vendit të tyre,” – tha prokurori, Alvin Bragg.
VAZHDO TË LEXOSH MË TEPËR PËR TEMËN
Afresku i kishës së “Shën Mërisë” në Berat
“Dritare në Artin Mesjetar Shqiptar”, mbreslënëse!
Afresku i “Shën Mërisë” më në fund drejt restaurimit
