27.08.2022 - 16:11
Operatori shtetëror i energjisë së Ukrainës ka paralajmëruar se ekziston rreziku i një rrjedhjeje radioaktive në termocentralin bërthamor Zaporizhzhia, shkruan The Guardian.
Forcat ruse kanë bombarduar në mënyrë të vazhdueshme centralin bërthamor ditën e djeshme, tha Energoatom.
“Si pasojë e bombardimeve të vazhdueshme, infrastruktura e stacionit është dëmtuar, ekziston rreziku i rrjedhjes së hidrogjenit dhe lëndëve radioaktive, si dhe rreziku i zjarrit është i lartë,” tha Energoatom në një deklaratë.
Nga ana tjetër, ministria ruse e mbrojtjes ka pohuar se trupat e Ukrainës kanë bombarduar termocentralin 3 herë vetëm gjatë ditës së djeshme.
