Në shpatet jugore të Akropolit, turistët ngjiten nëpër shkëmbinj të ashpër në kërkim të selfie-s së përsosur. Kafenetë qendrore të qytetit janë të mbushura plot.
Është verë në Athinë dhe industria greke e turizmit po kalon një vit shumë të mirë.
Si një vend me 10.3 milionë banorë, Greqia tashmë është vendosur të mposht rekordin e vitit 2019 prej 33.1 milionë vizitorësh të huaj, duke mirëpritur tani më shumë se 1 milionë udhëtarë në javë, sipas ministrit grek të Turizmit Vassilis Kikilias.
Hotelet në ishujt e njohur grekë janë rezervuar plotësisht deri në fund të shtatorit – shumë përtej sezonit tradicional – dhe zbulimi i personazheve të famshëm është bërë një sport.
Imazhet e shefit ekzekutiv të Tesla, Elon Musk, aktores Demi Moore dhe reperit 50 Cent po postohen nga lokalet e Mykonos, ujërat e detit Jon dhe jahtet e Cikladeve.
Por grekët e zakonshëm nuk po shijojnë verën e suksesshme të Greqisë, raporton media amerikane Foreign Policy.
“Greqia është vetëm për turistët,” tha Amalia Zavacopoulou, një e re që punon nga Athina.
“Gjithçka është më e shtrenjtë, nga karburanti deri te diçka e thjeshtë si një suvlaki [një ushqim kryesor grek në rrugë]”, tha ajo.
Faturat e saj të energjisë elektrike janë rritur gati 50 për qind që nga para pandemisë. Kostot e karburantit në Greqi janë rritur me më shumë se 23 për qind këtë vit për shkak të konfliktit të vazhdueshëm në Ukrainë dhe përpjekjeve ruse për t’i dhënë energji Evropës.
Greqia mbështetet te Rusia për rreth 40 për qind të gazit të saj natyror, kështu që ka pësuar një goditje të rëndë.
Inflacioni arriti në 12 për qind këtë verë, niveli më i lartë në 29 vjet, sipas të dhënave të publikuara nga Eurostat, autoriteti zyrtar statistikor i Bashkimit Evropian. Në një vend ku paga minimale është 713 euro në muaj, më shumë se 43 për qind e fuqisë punëtore nuk mund të përballojë pushimet, sipas një sondazhi nga Instituti Evropian i Sindikatave.
VAZHDO TË LEXOSH MË TEPËR PËR TEMËN
Greqia rihap ishujt për pushime
Industria e pushimeve në rrugën drejt rimëkëmbjes
Cilët turistë po i ‘vjedhim’ Greqisë?
