Manchester City lë dypikë të tjera në këtë fillim sezoni në Premier League. Kampionët në fuqi u ndalën në një barazim 1-1 nga Aston Villa në “Villa Park”, ku u zhvillua një ndeshje emocionuese, por që në fund nuk nxori një fitues.
Erling Haaland shënon golin e 10-të në Premier League në përballjen me Aston Villan në “Villa Park”. Gjiganti norvegjez zhbllokoi takimin në minutën e 50-të pas një asisti perfekt të Kevin De Bruyne, duke e shtyrë me lehtësi topin drejt rrjetës në shtyllën e dytë.
Deri në ato çaste skuadra nga Birminghami kishte mundur t’i thyente njëri pas tjetrit aksionet e kampionëve të Premier League, por topi i krosuar nga belgu ishte perfekt, me shumë se e Haalandit ishte pikërisht meritë e mesfushorit realizimi i këtij goli.
Epërsia e Cityzens në “Villa Park” zgjati deri në minutën e 74-t, moment kur Leon Bailey ktheu entuziazmin te tifozët vendës. Pak minuta me vonë Coutinho realizoi një gol fantastik, por fatkeqësisht kryesori kishte ndalur lojën për pozicion jashtë lojë, pasi pamjet e përsëritura treguan se gjithçka ishte e rregullt. Asgjë nuk ndryshoi në minutat në vazhdim, edhe pse rastet për golnuk munguan në të dyja portat.
VAZHDO TË LEXOSH MË TEPËR PËR TEMËN
Broja luan mbi 30 minuta, përmbys Chelsea
