08.09.2022 - 12:42
Një 43-vjeçar shqiptar ka humbur jetën në një aksident mbrëmjen e së mërkurës në zonën e Polichnitos në Lesvos.
Sipas faqes së internetit stonisi.gr, 43-vjeçari shqiptar kishte dalë nga rruga me makinën e tij dhe është përplasur me forcë në një pemë.
Ashpërsia e përplasjes ka qenë aq e madhe sa pema ka mbërritur në sediljet e pasme të mjetit e cila është kthyer në një masë pa formë.
Në vendngjarje kanë shkuar forcat zjarrfikëse dhe kanë nxjerrë 43-vjeçarin pa ndjenja.
43-vjeçari u dërgua në Qendrën Shëndetësore të Polichnitos, ku zyrtarisht u konstatua i vdekur. Trupi i tij më pas është dërguar në Spitalin e Mitilinës ku do të kryhet autopsia.
