Superndeshja PSG-Juventus ka përfunduar me fitoren 2-1 të vendasve francezë, ku spikati dopieta e Mbappe. Një sukses që tregon edhe njëherë tjetër se parizienët mbeten favoritë jo vetëm për të kaluar grupin.
Dy gola të Kylian Mbappe brenda 22 minutave lojë i mjaftuan PSG-së për të marrë pikët e plota në Paris përballë Juventusit. “Zonja e Vjetër” reagoi në pjesën e dytë, por goli i McKennie-t nuk mjaftoi për të shmangur humbjen (2-1). Në ndeshjen tjetër të grupit, Benfica fitoi 2-0 ndaj Maccabi Haifa.
Erling Haaland është një makineri golash për Manchester City-n. Sulmuesi norvegjez realizoi dy nga tre golat në fitoren 0-4 të skuadrës së Pep Guardiolës në fushën e Sevillas në ndeshjen e parë të fazës së grupeve të Champions.
Gjiganti nordik shënoi fillimisht në fundin e pjesës së parë, i shërbyer nga De Bruyne, ndërsa të dytin e realizoi në të 67-tën, këtë herë i asistuar nga Foden. Mes finalizimeve të Haalandit e tundi rrjetën edhe Foden, ndërsa në fund tundi rrjetën edhe Dias.
Celtic Glasgow rezistoi vetëm gjatë pjesës së parë përballë Real Madrid në “Celtic Park”. “Los Blacos” shpërthyen në pjesën e dytë me tre gola, të shënuar nga Vinicius Junior, Modric dhe Hazard.
Milan mori vetëm një pikë në fushën e Salzburg, ku rezultati përfundimtar ishte 1-1. Fillimisht shënuan vendësit me Okafor, por kuqezinjtë u kundërpërgjigjën brenda pjesës së parë me Saelemaekers.
VAZHDO TË LEXOSH MË TEPËR PËR TEMËN
Broja debuton në Champions, por Chelsea humb
“Kujdes tifozë, në Napoli mund t’ju grabisin”
