Zlatan Ibrahimovic sot mbush 41 vjeç. Sulmuesi suedez u urua edhe nga shoku i tij i skuadrës Rafael Leao, i cili shpërndau një postim, duke shtuar mbishkrimin: “Legjenda”.
Zlatan Ibrahimovic zakonisht blen supermakina për çdo ditëlindje të tij, por këtë vit ai donte ta tepronte dhe të vendoste dy Ferrari në garazhin e tij. Këtë e ka bërë të ditur me një foto të dyfishtë të postuar në rrjetin e tij social.
Bomberi i Milanit bleu një Daytona SP3 dhe një 812 Competizione A. I pari kushton 2 milionë euro dhe do të prodhohet vetëm 599 herë, ndërsa i dyti kushton rreth 578 mijë euro. 503 gola në 836 ndeshje me ekipet e klubeve, 62 në 118 me kombëtaren suedeze. Kjo është “shporta” e karrierës së deritanishme për Zlatan Ibrahimovic.
Një histori sportive plot suksese ajo e ‘Zotit’, siç e ka shpallur shpesh veten sulmuesi. Por ai duhet të jetojë me obsesionin e quajtur Champions League, pasi nuk ka arritur ta fitojë kurrë.
I lindur në Malmo, ai filloi të luante mes profesionistëve në skuadrën e qytetit të tij, përpara se të transferohej tek Ajax në vitin 2001 dhe më pas të fillonte aventurën e tij në Itali me fanellën e Juventusit. Pas skandalit të lidhur me Calciopoli, kalimi i shumëpërfolur tek Inter, ku qëndroi për tre sezone, duke shënuar 66 gola në 117 ndeshje.
Në verën e vitit 2009 ishte Barcelona ajo që vuri bast për të, por ndjenja e dobët me Pep Guardiolën e detyroi atë të largohej nga blaugrana për t’u kthyer në Serie A, këtë herë me fanellën e Milanit. Në vitin 2012 më pas kaloi në Paris Saint Germain, ku qëndroi për katër vjet. Më pas aventura te Manchester United, golat e anglezëve, këputja e ligamentit të gjurit dhe tre suksese të tjera, përfshirë Ligën e Evropës ndaj Ajax-it ‘të tij’.
Suedezi zgjedhim ë pas të fluturojë drejt Shteteve të Bashkuara për të magjepsur mbështetësit e Los Angeles Galaxy. Me ekskluzivitetin amerikan, Ibra vazhdoi të bëjë atë që ka bërë gjithmonë në karrierën e tij, përkatësisht të shënojë gola. Me pas, kthimi te Milani ku edhe u shpall vjet kampion Italie.
