Lionel Messi mezi pret 20 nëntorin për të tentuar që të bëjë realitet ëndrrën e tij më të madhe që të rikthejë Kupën e Botës në Argjentinë. Me sa duket kjo do të jetë tentativa finale, pasi ylli argjentinas ka deklaruar se ky Botëror do të jetë i fundit për të.
Në një intervistë për “Star Plus”, Messi u shpreh se është shumë në ankth, por shpreson që çdo gjë të shkojë në rregull. Në fund të intervistës ai tha se nuk e di nëse janë favoritë, por do të bëjnë të pamundurën për të fituar.
“Çfarëdo që të ndodhë, do të jetë Botërori im i fundit. Jemi në një moment të mirë, ne jemi një grup shumë i fortë. Por në Kupën e Botës çdo gjë mund të ndodhë: të gjitha ndeshjet janë shumë të vështira dhe favoritët nuk fitojnë gjithmonë.
Ne favoritë? Nuk e di nëse jemi kandidatët numër një për të fituar. Mendoj se ka skuadra të tjera që janë favoritë sot, por edhe ne jemi atje”, ka pohuar ai.
VAZHDO TË LEXOSH MË TEPËR PËR TEMËN
