Notarja amerikane Katie Ledecky ka vendosur rekord të ri botëror në garën e 1500 metrave, në ditën e dytë të garave të Kupës së Botës në not. 25-vjeçarja dha kohën 15’ 08” 24, duke përmirësuar me gati 10 sekonda kohën e mëparshme (15’ 18” 01), që ishte vendosur tre vite më parë në Berlin.
Në turneun që po zhvillohet në Toronto (Kanada), notarja amerikane bëri një paraqitje të shkëlqyer, në një garë të vështirë. Ledecky mban edhe rekordin botëror së garës së 800 metrave, ndërkohë që dikur ka mbajtur edhe rekordin e garës së 400 m. Ajo konsiderohet si një nga notaret më të mira në histori.
“E dija që mund ta përmirësoja këtë kohë dhe të vendosja një rekord të ri botëror. Këtë synim e kisha bazuar në rezultatet e mia në stërvitje. Gjatë gjithë garës ndihesha në formë dhe e kisha situatën nën kontroll”, tha Katie Ledecky, që ka fituar 10 medalje olimpike në karrierën e saj.
Katie Ledecky breaks the short course world record in 1500 free (25-meter pool) by 9.77 seconds, wins race by 40.58 seconds, laps every swimmer before the race is two-thirds over. Watch rest of the field touch the wall after her, and still has a lap left. https://t.co/YlJicGAL0c pic.twitter.com/EbxMjf5rkx
— Nick Zaccardi (@nzaccardi) October 30, 2022
VAZHDO TË LEXOSH MË TEPËR PËR TEMËN
