Gjysma e shtypit britanik i ka bërë jehonë kthimit të mundshëm të Boris Johnson në Downing Street 10, pas dorëheqjes së Liz Truss të enjten.
Por sa e mundur do të jetë rizgjedhja e tij pa zgjedhje të përgjithshme, vetëm nga një proces i brendshëm partiak?
E vërteta është se çdo gjë është e mundur, duke pasur parasysh qëllimin e qartë të ish-kryeministrit për t’u rikthyer në atë që ai e përshkroi si “puna më e mirë në botë” kur dha dorëheqjen.
Megjithatë, ekziston edhe mundësia e përçarjes mes konservatorëve nëse Johnson rizgjedhet në krye të partisë. Kur ai dha dorëheqjen si kryeministër i Britanisë muajin e kaluar, Boris Johnson qëndroi jashtë Downing Street dhe bëri një bilanc të arritjeve të tij.
Kjo është normale për liderët britanikë në largim, por në një lëvizje shumë të pazakontë, ai la të kuptohet gjithashtu për një rikthim të mundshëm, madje duke përmendur një politikan romak, Cyginatos, i cili u largua nga pushteti vetëm për t’u rikthyer në detyrë kur njerëzit e tij kishin probleme.
Redaktori politik i Times of London, Stephen Swinford, raportoi të enjten se Johnson do të kandidonte për të qënë sërish në krye të partisë konservatore, një perspektivë e mirëpritur nga mbështetësit e tij.
Nadine Dorries, një ministre e kabinetit në qeverinë Johnson dhe një nga mbështetëset e tij më të vendosura, tha se nëse partia nuk hapte rrugën për kthimin e tij, do të duhej të mbaheshin zgjedhje të përgjithshme.
“Nëse Liz Truss nuk është më kryeministre. Anëtarët e parlamentit duhet të kërkojnë kthimin e Johnson”, tha ajo.
Johnson fitoi një shumicë të madhe në vitin 2019, duke i siguruar qeverisë së tij një mandat nga votuesit më të drejtpërdrejtë se ai që gëzonte Truss ose ndonjë lider tjetër që partia mund të zgjedhte për ta pasuar atë.
Disa nga kundërshtarët e Truss në parlament thanë se ajo kishte filluar të ndiqte politika që devijonin nga platformat e fushatës. Por ka një problem: mandati i Johnson është dëmtuar nga një sërë skandalesh, duke përfshirë gjobën që mori për pjesëmarrjen në një festë në Downing Street, e cila shkeli ligjet e vetë qeverisë së tij për Covid-in.
Partia humbi zgjedhjet e pashmangshme në muajt e fundit të mandatit të Johnson dhe, në javën e tij të fundit, disa ministra të kabinetit dhanë dorëheqjen, duke përmendur dështimet e udhëheqjes së tij.
Me deputetët konservatorë që vendosin liderin e tyre të ardhshëm, shumica thanë se gatishmëria e tyre për t’i dorëzuar çelësat Johnson për t’u rikthyer në Downing Street ka të ngjarë të jetë e kufizuar.
Si rezultat, kandidatë të tjerë si Rishi Sunak dhe Penny Mordant, të dy shihen si pasardhës më të mundshëm. Por shancet e Johnson për t’u rikthyer në pushtet janë rreht 5%.
Pavarësisht suksesit të tij gjatë zgjidhjeve, shumë votues e shohin Johnson si një figurë përçarëse. Për më tepër, një komitet parlamentar po heton nëse ai i mashtroi ligjvënësit për festën që ai organizoi gjatë bllokimit.
Ekziston gjithashtu pasiguria nëse rikthimi i tij në pushtet do të mirëpritet nga tregjet financiare, të cilat janë stabilizuar kohët e fundit.
Politico thekson të premten se fushata “Stop Boris në Britani” tashmë ka nisur dhe ka perspektivën për t’u bërë një lëvizje aq e madhe sa do të përjashtojë çdo mundësi që ish-kryeministri të marrë drejtimin e partisë dhe qeverisë.
Edhe brenda partisë, reagimi ndaj kandidaturës së tij është i ashpër, me Politico që citon një ligjvënës që ishte një mbështetës i vendosur i tij tani duke thënë se “partia do të shpërbëhet në udhëheqjen e Borisit.
Tashmë deputetët thonë se do të japin dorëheqjen ose do të ndryshojnë grupin e tyre parlamentar.”
“Do ta ndal Borisin me çdo kusht”, shtoi një tjetër deputet. “Nëse ai fiton, kjo nënkupton fundin e Partisë Konservatore”.
Një tjetër tha se ata ishin të vendosur të votonin kundër Johnson dhe mund të largoheshin përgjithmonë nga partia nëse ai fitonte.
Ish-udhëheqësi i konservatorëve, Michael Howard, that të enjten mbrëma, duke paralajmëruar se një rikthimin i Johnsonit do të rezultonte një “psikodramë” për kombin: “Boris ka pasur mundësinë e tij për të qeverisur dhe tani nuk është më “.
Megjithatë, sipas një raportimi të Sky News të premten në mëngjes, Johnson tashmë ka siguruar mbështetjen e 38 deputetëve, ai është i dyti në procesin e zgjedhjes pas Rishi Sunak dhe deri të hënën do të ketë mbështetjen e 100 deputetëve, për të kandiduar për postin e liderit të partisë konservatore.
VAZHDO TË LEXOSH MË TEPËR PËR TEMËN
A është ky fundi i Boris Johnson?
