Sekretari i Përgjithshëm i NATO-s, Jens Stoltenberg, ka thënë se trupat e KFOR-it mbështesin përpjekjet e diplomatëve të Bashkimit Evropian për të arritur përparim në dialogun ndërmjet Kosovës dhe Serbisë, me ndërmjetësimin e Bashkimit Evropian.
Ai ka deklaruar se në takimin në Bruksel ka pasur njoftime të reja nga disa shtete për rritjen e mbështetjes për misionin e KFOR-it, derisa ka shtuar se “rritja e tensioneve në Kosovë është e dukshme, jo vetëm në lidhje me çështjen e targave”.
“Ballkani Perëndimor është një rajon në Evropë ku BE dhe NATO bashkëpunojnë shumë ngushtë. Ne ndihmuam për t’i dhënë fund dy luftërave brutale, fillimisht në Bosnjë e Hercegovinë, pastaj në Kosovë”, tha ai pas takimit të ministrave të Mbrojtjes të vendeve anëtare të Aleancës në Bruksel.
“Ne kemi prezencën tonë, misionin e KFOR-it në Kosovë. Aleatët janë të përkushtuar të vazhdojnë të kontribuojnë për forcat”, tha Stoltenberg, shkruan Aljazeera.
Duke folur për Bosnjën e Hercegovinën, ai tha se është një nga vendet që janë në rrugën e anëtarësimit në NATO, të cilin Aleanca e mbështet, por theksoi se ky vendim në fund të fundit do të jetë vendim i Bosnjë e Hercegovinës.
VAZHDO TË LEXOSH MË TEPËR PËR TEMËN
Bëri “lëmsh” shqiptarët për Edi Ramën, “akademikja gjermane” është një “person i rremë
‘Prishtina përballet me pasoja serioze nëse e krijon ushtrinë’
Haradinaj bisedë telefonike me sekretarin e NATO-së
